Intervista

________________________________________________________________________

Arben Joca: Në këto vite pune jam  bërë pjesë e këtij qyteti...

Sa ka ndikuar eksperenca juaj e gjatë profesionale në  drejtimin e policisë së Qarkut të Elbasanit?

Eksperienca ime prej 19 vjetësh si oficer policie ka ndikuar shumë në njohjen dhe zbatimin e detyrave që na kërkon ligji i policisë së shtetit. Kam filluar karrierën si oficer i krimit ekonomik, pastaj detyrat e ngarkuara më kanë bërë që ti ngjis të gjitha shkallët e hiearkisë të një oficeri në karierë si p.sh. drejtor policie, shef komisiarjati, zv/ drejtor drejtorie, drejtues sektori në Ministrinë e Rendit Publik dhe aktualisht si Drejtori i Policisë së Qarkut Elbasan. Kariera ime në qytetin Elbasanit është 4 vjeçare. Kam qënë në këtë periudhë  zv/ drejtor dhe më pas Drejtor i Policisë së Qarkut të Elbasanit. Këto 4vjet e gjysëm për mua kanë qënë një eksperiencë pune e mirë falë profesionalizmit që kanë  strukturat e policisë  të kësaj drejtorie, por edhe mbeshtetjes që na kanë dhënë qytetarët elbasanas në detyrën tonë, duke treguar vlerat që e karakterizojnë këtë qytet.

Sa keni ndikuar në reformimin e strukturave të drejtorisë në luftën ndaj krimit?

Siç e thashë edhe më lart, strukturat e policisë në drejtorinë e Elbasanit kanë pasur një traditë të mirë pune duke qenë një polici e konsoliduar, me personel të aftë profesionalisht dhe të përkushtuar. Këtë e shprehin treguesit e punës së policisë, që nga viti në vit vijnë vashdimisht në përmirësim, duke shënuar ulje të kriminalitetit dhe rritje të fuqisë zbuluese, duke shmangur veprat e rënda kriminale. Nisur nga prioritetet e qeverisë dhe objektivat e Ministrisë së Brendshme, si dhe porositë e herëpashershme ne kemi hartuar detyrat tona për të përmirësuar cilësisht punën e strukturave në shërbim të komunitetit dhe luften ndaj krimit të organizuar,  duke i konsoliduar strukturat e luftës ndaj këtij fenomeni. Goditja në ditët e  fundit e grupëve të drogës,  shpërndaresve, trafikantëve dhe ndaj përsonave që janë marrë me trafikun e qënies njerëzore jane te njohura tashme.

Viti '97 nxorri ne pah grupe kriminale. A ka pasur më ndikime të këtyrëve grupeve në organizimin e kryerjen e veprave kriminale në këtë qytet?

Është e vertetë që problematika e kriminalitetit dhe veçanerisht e krimit ndaj personit origjinën e ka nga viti 97- të. Krijimi grupeve solli shumë pasoja për qytetin e Elbasanit, por më e rëndësishmja është që grupe kriminale, në kuptimin e mirëfilltë të tyre, në Elbasan nuk egzistojnë më. Ka elementë kriminalë, persona që bashkohen për të kryer vepra penale, por grupe të strukturuara nuk ka. Ne si drejtori e njohim situatën operative të qarkut dhe tendencat. Pozicioni gjeografik që ka Elbasani na vë para së gjithash  që të rrisim vëmëndjen  në  drejtim të kontrollit dhe veçanërisht të aksit rrugor, pasi dhe organizatat kriminale përpiqen që të kenë lidhjet e tyre këtu për të siguruar trafikun e lëndëve narkotike dhe të kontrabandës. Prioriteti kryesor i yni  është si drejtori është zbulimi i krimëve të prapambetuara si dhe ngjarjeve të vjetra kriminale. Ne për këto dosje të prapambetuara kemi përcaktuar një strategji të hollësishme, duke i seleksinuar sipas tendencave të krimit.Themi se kemi evidentuar mjaft probleme gjatë punës së bërë për zbulimin e tyre ngjarjeve. Shumë shpejt për këto ngjarje do bëhet dokumentimi ligjor i  autorsisë së tyre. Gjithashtu ne po përcaktojmë detyrat tona për çdo ngjarje të rëndë kriminale të ndodhur dhe që nuk kanë gjetur zgjidhje.

Sa kanë ndikuar në punën tuaj zbuluese ndaj krimit marëdhëniet me prokurorinë, gjykatën dhe pushtetin lokal?

Punën tonë ne si drejtori e kemi parë në mardhëniet e mira institucionale që kemi me prokurorinë dhe gjykatën,  qoftë në takimet e shpeshta ashtu edhe në problematikën që del në dinamikën e punës tonë. Ne kemi mardhënie mjaft të mira konform kërkesave të ligjit. Këtë bashkëpunim e tregojnë dhe fakti që shumë grupe kriminale që merren me trafikun e lëndëve narkotike apo trafikut të qënies njerzore kanë rënë në rrjetën e policisë.   Për të realizuar sa më mirë  detyrën dhe për të qënë sa më të suksesshëm ne kemi konsideruar dhe vlerësuar si  prioritet të vashdueshëm bashkpunimin dhe mbështetjen e pushtetit lokal duke filluar që nga Prefektura,Qarku, Bashkia dhe Komuna. Ne si polici kemi gjetur partnerë shumë korrektë dhe të sinqertë në realizimin e misionit tonë për  të siguruar rendin dhe qetësinë publike. Bashkimi i Ministrisë së Mbrendshme me atë të Pushtetit Lokal na ka krijuar  marëdhënie të mira dhe një mbështetje të sigurtë në punën tonë.

Arritjet drejtorisë se policisë së Elbasanit janë vlerësuar edhe nga vetë Ministri Olldashi në analizën e fundit...

Gjatë kësaj periudhe në drejtorine e policisë së qarkut kanë ardhur për të bërë vlerësimet dhe për të evidentuar  mangësitë, por edhe për të caktuar masat e përmisimit të  punës, që nga Drejtori i Përgjithshëm i Policisë, zv/ Ministri Punëve të Brendshme Gjergj Lezhja  vetë Ministri i  Punëve të Brendshme Sokol Olldashi i cili krah evidentimit të punës pozitive të strukturave të policisë të Qarkut të Elbasanit tërhoqi vëmëndjen edhe për  realizimin me sukses të prioriteteve të qeverisë dhe objektivat e Ministrisë Mbrëndshme.

Para marrjes së detyrës tuaj si drejtor policisë se qarkut Elbasan, kjo drejtori ka qënë akuzuar për shkelje të drejtave themelore të njeriut. Sa keni punuar ju për ti kthyer besimin qytetarëve tek policia?

Një nga detyrat ose detyrimet kryesore ligjore të efektivave policore që përcakton kushtetuta dhe  ligji mbi policinë e shtetit  është respektimi themelor i të drejtave të shtetasëve dhe etika në hetime. Mund të them me bindje të plotë që nuk kemi asnjë rast të evidentuar të  cënimit të rëndë apo të shkeljeve të të drejtave të qytetarëve. Përpiqemi në punën tonë të përditshme që të bëjmë sa më shumë për komunitetin,  duke respektuar kërkesat e ligjit,  duke luftuar shfaqjet korruptive nga kushdo qoftë përfaqësuesi i strukturave tona, ashtu edhe në respektimin e lirive dhe të drejtave themelore të shtetasëve që kanë kryer një vepër penale. Normalisht në këto vite pune jam  bërë pjesë e këtij qyteti të  cilit i detyrohem. Kjo na shton më shumë obligimin për të punuar me përkushtim akoma më të madh, për të përmisuar cilësisht rendin e sigurinë publike. Kjo justifikon dhe respektin që ka komuniteti elbasanas ndaj policisë, po unë dua të  vlerësoj  qëndrimin tepër korrekt të të gjithë institucioneve  shtetërore apo edhe të forcave politike. të cilët janë tepër korrektë, nuk ndërhyjnë në vendimet e personelit,  duke na lehtësuar punën tonë dhe qëllimet që i kemi vënë vetës si drejtori.

Intervistoi: Arben Boriçi