Profil

______________

Me Firduz Gjevorin, trainerin e hendbollit

Nga EDI TOSKA

Duke bere xhiron e mbremjes tek qendra e qytetit, tradite kjo e shume elbasanasve, syte na kapin midis nje turme te madhe njerezish mesuesin, sportistin, tranierin dhe handbollistin  Firduz Gjevori. E takojme me respekt. Shkembejme pyetje te sinqerta duke mos e pare prej kohesh ne qytet (arsye emigrimi).

Na fton per nje caj te ftohte ne kete vape gushti, ulemi me kenaqesi prane lokalit te ish futbollistit Mehmet Karaj tek qendra e qytetit dhe natyrshem nis biseda.

Eshte nxenes i shkolles K.Kristoforidhi ne 8-vjecare. Mbas mbarimit te 8-vjecares natyrshem lind deshira per te pushtuar fushen e sportit dhe ashtu ndodhi, Firduzi fiton te drejten per te vazhduar Teknikumin e Fiskultures ne Tirane (viti 1964) dhe mbas 3 vjetesh perfundon shkelqyeshem shkollen. Emerohet mesues i edukimit fizik ne fshatin Pajove te Elbasanit. Punon me shume sukses per nje vit rrjesht, dhe me 1 shtator 1968 kalon si student ne IKFVJ Tirane. Pozicionohet si student ne profilin e lojrave me dore (peng i tij profili futboll).

Bashkestudentë me te kane qene edhe elbasanas si znj Ida Zaimi, z. Reiz Halili, z.Mustafa Shengjini, z.Dashamir Vyshka e te tjere. Mbasi kthehet nga zbori emerohet mesues me kohe te pjesshme tek Industrialja (sic i thonin atehere) sot "Sali Ceka", pjesen tjater te normes e plotesonte si inspektor prane klubit shumesportesh me shef klubi z Shyqyri Hyskja dhe kryetar te komitetit te fiskultures te nderuarin z Dhimiter Bardhi. Firduzi i mbulonte ne klub radioamatorizmin, ciklizmin, hipizmin dhe turizmin. Mbas nje pune te sukseshme ne kete pozicion prej nje viti, fillim shtatori viti 1972, e gjen mesues definitiv tek shkolla "Qemal Stafa", dhe tranier me nje ekip volejbolli femijsh ne moshen 9-10 vjec, me pas tek te rinjte. Ne kete shkolle funksiononin ato qe ne i quanim klasa sportive dhe hera-herez organizohesh kampionate midis shkollave dhe kjo shkolle zinte shpesh vend nderi, dhe kjo i dedikohej seriozitetit dhe rregullsise se Firduzit. Me vone Firduzi drejton te rinjte ne volejboll per 2-3 vjet resht dhe vjen suksesi, i pari ne grup dhe ne finale humb me studentit (kuptohet hidherimi i Firduzit, i paimagjinushem). Ne vitn 1983 kalon mesues ne Godolesh si mesues, viti 1993 e gjen ne shkollen e kompletuar "Naim Frasheri", tradite qe ajo e ruan dhe sot. Viti 1995 Firduzin e gjen ne emigracion ne Angli (familjarisht ku ai vazhdon edhe sot). Ne profilin tone per Firduzin duam te rendisim nje CV mjaft te pasur qe ai ka ne fushen sportive:

·        Arsimi IKFVJ Tirane,
5 vjet tranier i ekipit kombetar ne hendboll,

·        Kualifikim 1 mujor ne Teramo te Iitalise,

·        Kategorine e pare tranier hendbolli te licensuar,

·        Eshte anetar i federates te hendbollit prej shume vitesh.

Nje janar te 87 hapet ekipi i hendbollit dhe me porosi te shefit te klubit, te ndjerit Shpetim Gjevori, prezantimin e tranierit (Firduzit) e ben i derguari Uran Begolli. 23 mars '89 aktiviteti zyrtar, kupa "studenti", Elbasani shpalllet fitues i kesaj kupe. Per habi trofeu u dha ne nje forme shume bajate.....

18 deri 23 nentor 1989 -Elbasani fiton kupen "45vjetori", zhvilluar ne Elbasan.

19 - 23 dhjetor ne Tirane, kampionati i pare kombetar - Elbasani ze vend te katert

26-30 mars 1990 kupa e federates se lojrave me dore - Elbasani fitues i kupes.

7,8,9 janar 1991 - Elbasani kampion kombetar.

28 janar 1991 deri me 1 shkurt 1991 - Elbasani fitues i kupes se Republikes.

19 prill 1992 ne Tirane kampionati i pare kombatare per te rinj - Elbasani kampion.

19 qershor Elbasani kampion vendi.

7,8,9, qershor 1993 Elbasani kampion.

 Edhe jashte vendit sukseset jane te dukshme viti i pare ne Struge 1989- miqesore.

Ne 1992, ne Lojrat e Mesdheut me tranier Firduzin, ekipi kombetar ze vend nderi ne Kupen Ballkanike.

Ne Izmir te Turqise perseritet suksesi, ne Arad te Rumanise, ne Shkup kampionat ballkanik. Firduzi ka si hobin e tij notin dhe nuk vecon tenisin.

Firduzi ka 2 femije te rritur, djalin Elis 18 vjec dhe vajzen Ani 19 vjec, bashkeshortja Flora nje mesuese dhe drejtuese e kompletuar.                                                 

7 Gusht 2006