Leter e Hapur

Eshte detyrimi  tuaj te jipni  minimalisht shpjegim për katrahurën që sot po ndodh në DAR Elbasan, një nga hallkat e MASH.

Zotit   Sali  Berisha, Kryeminister

Zotit Genc Pollo, Minister i Aresimit

Te Nderuar Zoterinj.

Besoj se duke qene te gjithe dakord me thenien e mençur “Si është arsimi sot do të jetë shoqëria nesër”,  kemi pranuar se arsimimi i një shoqërie është në të vërtetë investimi që vetë shoqëria i bën së ardhmes së saj.

Ju qe keni folur aq shume per arsimin kete vit mbase nuk e dini si po veprohet ne Elbasan. Thone se moti i mire duket qysh  ne mengjes, kendej nga ne thuhet se edhe moti i keq ne mengjes duket. U zevendesuan me nje shpejtesi per t’u lavderuar (nuk rezultoi keshtu, ama) drejtuesat kryesore te DAR Elbasan. Por pa zbatuar asnje kriter dhe shume larg standarteve te cilat pretendoni te arrini. Te pakten ata qe u hoqen , ishin emeruar ne perputhje me rezultatet e nje konkursi. Tere ate nxitim po e paguajme ne mesuesit.

Drejtor i DAR Elbasan u emerua  Fatos Bajraktari, me Institut 3 vjecar, diplomuar per mesues ne shkollat 8 vjecare, i shkarkuar per paaftesi nga drejtor shkolle 9 vjeçare. Ai pati guximin te zevendesoje pa konkurs paraardhesen N. Shuteriqi, me specializime pasuniversitare e disa gjuhe te huaja, nga nje familje tradicionale arsimtaresh elbasanas. Mos harroni se ne Elbasan ka nje universitet ku japin mesim dhjetra pedagoge, ne Elbasan jane qindra mesues te tjere me grada shkencore ose qe kane perfunduar studimet ne Universitetin e Tiranes.  Asnje prej tyre nuk pati oferte per Drejtor !.

I sapo ardhur në detyrë Drejtori i ri, platformën e tij e shpalli me dy fjale ne televizionet lokale: “ ... do te rivendos nderin e nëpërkëmbur të qytetareve arsimdashes elbasanas”.

(Konica duhej të kishte qenë duke plasur kur shkroi “Ati ynë që je në qiell, jepna fuqinë të mbajmë gojën mbyllur, kur s’kemi asgjë për të thënë”…)

Dhe “nisi të vihej nderi në vend” nga Bajraktari. (Ne nuk e dinim deri ne ate moment, se ai vertet na kish qene nje “bajraktar”).

Jane rehabilituar « figura » qe njihen vetem per keq nga prinderit e nxenesve. Në poste drejtuese, vendosen njerëz dikur të larguar nga detyrat me motivacione të argumentuara .

          Elbasanasit po drejtohen aktualisht jo vetem nga nje figure mediokre e aresimuar pamjaftueshmerisht per te drejtuar, por siç thame F. Bajraktari eshte i shkarkuar per paaftesi ne drejtimin shkolles 9 vjeçare Xh. Kongoli.

Numuri 2 i qarkut eshte emeruar G. Bylyku, ish nendrejtor i gjimnazit Dh. Todri, gjithashtu i  shkarkuar nga detyra për paaftësi në drejtim dhe menaxhim. Me një larje të shpejtë duarsh (pra me duar të pastra) “rifitoi” vlerat me ane te Bajraktarit qe e mori ne ate pune thuajse forcerisht.

Në krye të disa shkollave u emeruan edhe drejtues te shkarkuar për precedentë moralë. Figurave të përfolura e të diskredituara në qytet u besohen shkolla ku vijojnë qindra e mijra fëmijë që ndihen dhe do të ndjehen çdo moment të rrezikuar. E rëndësishme është se me retush postesh e parash drejtuesat e rinj kane treguar aftesi per te rregulluar deri  precedentët penalë dhe jo më ato morale. Rehabilitohen <figurat>, pra.

Ne shkollen 9 vj Xh. Kongoli, psh largohet drejtori profesionit H. Hoxha dhe zevendesohet nga D. Dardha ish i shkarkuar si nendrejtor per paaftesi.

(Sheshi i kesaj shkolle perdoret sot per parking privat nga i cili perfitojne hapur, (pra me duar te pastra), drejtori i shkolles dhe ai I pergjithshem).

Ne shkollen  B. Popa, drejtori B. Stafa me U. Tiranes  perfshire dhe  dy kurse pasuniversitare dhe me titullin Master, zevendesohet nga A. Hysenbelliu, ish i shkarkuar  për mungesë së etikës qytetare .

Ne gjimnazin A. Dakli, drejtori i sapoemeruar Z. Arapi njihej edhe si boksieri që vinte me trofetë e dy ndeshjeve  « boksi » të fituara mbi mësuesit e shkollës së Paprit ! Dhe me nje Largim te motivuar nga puna. Ai zevendesoi G. Nushin i cili pati rezultatet me te mira ne Maturen Shteterore.

Largohet drejtori i shkolles 9 vj Hajdaran, Shushice, zoti K. Alimeta me arsim te larte diten e zevendesohet nga F. Biça larguar nga puna ne vitin 2000 per dobesi te theksuara ne pune.

Largohen pa motivacion PROFESIONISTET me targen “mbeshtetes te PS”, bile dhe disa anetare te PD qe kishin pranuar poste nga socialistet.  Ne vend te tyre jane emeruar ne shumice anetare dhe komisionere t e PD ne zgjedhjet e fundit.

Po ju njohim vetem nje pjese te listes se gjate te mesuesave ose drejtuesave te larguar pa motivacion nga vendet e tyre te punes:

-Sh. Kaculi, inspektor ne DAR, 30 vjet experience pune,

-Sh. Kurmaku-Xh. Kishta- J.Murati, drejtori dhe dy nendrejtoret e gjimnazit Dh.Todri,

-K.Vrapi , drejtor i shkolles F.Guranjaku,

-A.Karadaku, drejtori me aq eksperience i shkolles Q.Haxhihasani, 

-E. Kembora, drejtor i shkolles M. Domi, anetar apo simpatizant I PD, emeruar nga socialistet, te cilet nuk Ia mohuan vlerat profesionale.

-Filip Salla me eksperience rreth 30 vjet pune ne shkollen Gjyrale.   ------Sajmir Hidri me aresim te larte ne shkollen Kusarth.                        -------Elmaz Senja, 2 vjet para se te dale ne pension ne Dragot.           --------–Kujtim Karaj, drejtor i shkolles Labinot mal       ---------------------------------Durim Uruçi drejtori i shkolles Rrase                                                       -Arjan Kalashi, drejtor I shkolles Gjonme  

Jo vetem jane larguar pa asnje motivacion, veprim administrativ i cili eshte ne kundershtim me ligjin, por jane zevendesuar me persona aq larg profesionalisht e moralisht. Gjykoni vete:

-Sh. Kaçuli eshte zevendesuar nga S.Shengjini, pensioniste e pa konkurs, ne kundershtim me kriteret e MASH per inspektoret.                      –

-Drejtori I gjimnazit Q.Stafa Sh. Kurmaku kish mbaruar universitetin e Tiranes, zevendesohet nga  G.Skenderi me ILP ( Ne Elbasan njihet si drejtori i Fix-Fare). Pas emerimit te ketij te fundit, ne shkolle u denoncuan publikisht akte mitmarrjeje.

-N/drejtori Xh. Kishta zevendesohet nga I. Shengjergji i cili pushohet  per mitmarrje nga puna pas denoncimit public nga Fix Fare.

-V. Gjana me UT, Kryetare e Konfederates  se Arsimit Elbasan transferohet nga gjimnazi ne shkolle 9 vjeçare ndersa e kunderta (krejtesisht e jashtligjeshme) ndodh me kryetaren e sindikates se pavarur te aresimit B. Shabani, e cila emerohet nga shkolle 9 vj ne gjimnaz.

-Pergjegjesi i konviktit  te shkolles  pedagogjike V. Ganjolli me aresim te larte zevendesohet me I. Çala, militant i pashkolle I PD.

-V. Mehja, n/drejtore e shkolles B.Popa zevendesohet me J. Memen, vajzen e Kujtim Memes shef i curriculave ne DAR.

-Drejtoresha e talentuar e shkolles Q.Guranjaku A. Cota, emerohet Sh. Qorri, pensioniste, kryetare komisioni per pd ne nje qender votimi te zones 53

-Drejtoresha Y. Ganjolli e shkolles Q. Haxhihasani, me experience pune ne drejtim zevendesohet me M. Bylykun, motra e shefit te kuadrit te DAR, mbaruar shkollen me korespondence.

-Elida Cabej, drejtoresha e respektuar e shkolles S.Misiri  zevendesohet nga B.Ceka,kusheriri I pare I shefit te kuadrit te aresimit.

-Nendrejtor i shkolles se mesme te bashkuar Funar emerohet paradoksalisht Agim Hyka me gjimnaz me korespondence!

-Etj,etj.

Shumica e te ngriturve rishtaz ne detyre jane te paafte, ashtu si ata qe paten paturpesine t’i emerojne.

Jane larguar nga puna drejtues me arsim të plotësuar, me kurse pasuniversitare, me gjuhë të huaja e botime shkencore per t’u zevendesuar me mesues aq larg profesionalisht por dhe me moral te dyshimte aty ketu.

Ne gjimnazin Dh. Todri, shkolle elitare e qytetit, largohet drejtori E.  Gjini, me pervoje dhjetravjecare ne drejtim te arsimit elbasanas, i konsideruar realisht i sukseshem. Mbase drejtuesit e rinj të DAR kishin frike se do te lodheshin duke ndare trofe olimpiadash kombetare sic kish ndodhur deri ne ate moment. Gjini u zevendesua me zj. Paralloi, nje nga parrukieret me te mira te qytetit, 10 vjet emigrante, me vetem 1 vit experience ne aresim, e aferme e nje prej familjeve me te privilegjuar ne kete periudhe te pas 3 Korrikut, me nje peme nepotike qe vete anetaret e qeverise do ta kishin zili.  

Ne Shkollen e mesme Ali Myftiu u ul nje shkalle drejtori I. Sejdini, mesues me eksperience, anetar apo simpatizant i PD, i emeruar ne ate detyre nga socialistet te cilet nuk ia mohuan vlerat profesionale dhe kontributet per ate shkolle. U zevendesua nga K. Dinçi, nga nje inxhinjer i cili dikur ne monizem ishte pjese po kaq  e privilegjuar e nomenklatures kuqe.

Largohet nga DAR specialisti A. Cangoi ( i diplomuar në informatikë) dhe zëvendësohet me pensionistin I. Jolldashi. (Sa të pijë kafe me të tjerë pensionistë, më mirë të pijë raki te klubi poshtë DAR-s, thone tani ne Elbasan). Nderkohe me qindra, mijra mesues ne Elbasan, jane punekerkues.

Largohet nga puna specialisti i statistikave A. Pali, i trajnuar për vite të tëra,zëvendësohet nga z. Baxhaku, shoku me i ngushtë i shefit të kuadrit, krejtesisht i paafte per ate detyre  (... trajnuar neper komisione votimi).

Ne shkollen 9 vj P. Xhuvani largohet drejtori B. Todri me UT, zevendesohet nga M. Shipka me profesion agronom.

Ne shkollen Polis i vogel largohet N. Sula me aresim te larte e zevendesohet nga N. Balla me aresim te mesem.

Largohet juristja e DAR, Valbona Stafa, e cila kish fituar vendin e punes me konkurs. Zevendesuar nga nje person anonim, e mbesa e nje biznesi parelli e sigurisht pa diplome juristi. Emrin nuk ia di askush, as kemi per t’ja mesuar dot. Edhe asaj vete i vjen zor te shfaqet ne personelin e DAR.

Ne shkollen Pashtresh,Gjinar, largohet drejtori T.Muça me arsim te larte diten, zevendesohet nga A. Mufali me korespondence.

Ne shkollen Pobrat, Gjinar, largohet mesuesi H.Lukani me arsim te larte  zevendesohet nga B.Berdufi me arsim te mesem.

Ne shkollen Lleshan,Gjinar, largohet drejtori F.Qosja me arsim te larte diten, zevendesohet nga F.Derstila me korespondence.

Emrime skandaloze nepotike,babezia e vertete e ka emrin DAR Elbasan.

          Po japim shume pak prej tyre:

Drejtori I Aresimit, Fatos Bajraktari:

-Mbesa e tij, B.  Vrapi emerohet n/drejtoreshe ne shkollen Q. Guranjaku.

-Vellai i tij, Emërohet në shkollen S. Ceka. Nuk ka asnjë lidhje me profesionin e vështirë dhe fisnik të mësuesit, por mesa duket te qenit  drejtor I madh I te vellait eshte superlidhje.

Drejtori I Burimeve Njerezore ne Drejtorine e Arsimit,  G. Bylyku:

-Motra e tij, M. Bylyku emerohet Drejtoreshe e shkolles Q.  Haxhihasani,

-Kusheriri I pare I tij, B. Ceka, emerohet Drejtor I shkolles Sule Misiri.

-Shoku me i ngushte i tij emerohet specialist i statistikave ne DAR.

-Djali i tezes emerohet kujdestar ne konviktin e shkolles muzikes

          Shefi I trajnimit e kualifikimit, Kujtim Mema:

-Vajza e tij , Jonida, emerohet ne kundershtim me te gjitha kriteret n/drejtore e shkolles B. Popa. Ka mbaruar CU, jep mesim ne CL.

-Gruaja e tij, Juliana (pensioniste) dhe te dy vajzat Jonida e Monika jane te vetmet perfaqesuese te mesuesave te CU te Elbasanit ne komisionet e vleresimit te teksteve ne Tirane.

          Qeveria e Duarve të Pastra ka pastruar me fshese arsimtaret e vjeter dhe profesioniste ne Elbasan, babain e arsimit te vendit. Dhjetra, qindra aresimtare kane levizur ne emer te  luftes kunder “atyre qe ishin”. Me dhjetra levizje behen pa kuptuar askush aresyen (megjithese te gjithe e nenkuptojne se behen me ryshfete). Rasti i shkolles Qemal Stafa, ku drejtuesat e rinj dhe mesuesat e sapoemeruar ne emer te “duarve te pastra” u perfshine ne nje skandal te hapur mitmarrjesh vetem sapo çorri pak majen e korrupsionit te te sapoemeruarve jo vetem atje. Nderkohe larguan dhe shefen e financave ne DAR, sepse Drejtori “ e do doren e vet”. (Lutemi mos e mirrni per shaka).

(Tani Migjeni do të ulërinte « Oooo si nuk kam një grusht të fuqishëm/ malit që hesht mu në zemër me ia ngjesh…. »)

Sa me lart, Ne, nje pjese e te larguarve ju bejme thirrje: Ktheni fytyren nga Elbasani. Mos e lejoni Bajraktarin te sillet akoma si bajraktar. I ka hy ne pjese femijeve tane, por sidomos i ka hy ne pjese te ardhmes se femijeve elbasanas. Nuk kane Turp! Mirren me mesuesit, mirren me mesuesit elbasanas, me te aftit e me te varferit. Marrin hak te mesuesit, per ta kuptuar me mire se ç’po bejne po ju tregojme klasifikimin qe nje mesues i  vjeter elbasanas na ben keto vite te demokracise: “A ka me poshte se mesues sot ?... A ka zevendesmesues?...”

Prandaj po ju drejtohemi. Eshte detyrimi  tuaj te jipni  minimalisht shpjegim për katrahurën që sot po ndodh në një nga hallkat e MASH , DAR Elbasan.

Nga te Larguarit Mesues te Elbasanit.

Publikuar 17.10.2006

------------------------------------------------------------------------------

Histori personale

_____________________________________

                                                   23 vjet me plumb në trup

...vuante për vete, vuante për familjen, por vuante edhe nga opinioni si djalë që nuk donte të punonte në ara...

Besim Dybeli

Është martuar me plumb në trup . Ka lindur fëmijë po kështu duke bashkëjetuar për 23 vjet më një plumb kallashnikovi në trupin e tij . Është shtruar dy herë në spital për “mish të huaj” duke u kuruar me penicilinë e antibiotikë të tjerë tradicionalë të mjekësisë shqiptare dhe askush nga bluzat e bardha nuk ka pikasur dot shkakun e vërtetë . Pas 23 vjetësh, një mjek radiolog në Prrenjas, ka mundur të shquajë në trupin e tij një plumb të mbetur që nga rinia e hershme, për të cilin mjekët viti pas viti kishin thënë se ka “mish të huaj”! Sot, për fat, shtrohet në spitalin ushtarak të Tiranës për të hequr nga trupi i tij plumbin në shpatullën e djathtë ngjitur me shtyllën kurrizore  Ky ka qenë fati i  43 vjeçarit Iliaz Dashi,  nga fshati Rrajcë i rrethit të Librazhdit. E për më tepër fati, jeta e tij kanë hyrë në rrjedhën e saj normale, pas një ndërhyrje të suksesshme kirurgjikale në spitalin ushtarak të Tiranës.

                                        Historia

Ka qenë ditë qershori e vitit 1983. Ora 2 e mbasdites, kur Iliaz Dashi kryente shërbimin ushtarak në qytetin e Prrenjasit. Dhe një orë e ndante nga ndërresa në shërbimin e radhës. Por do të merrej me urgjencë nga oficerët e shërbimit për t'u dërguar po kështu në spitalin e qytetit ku kryente shërbimin  e detyruar. – "Diçka më ka shpuar në shpatull, por s’e ndjeva në fillim “ – ka thënë para 23 vjetësh, Dashi teksa shokët e ushtrisë e kanë marrë në krahë . Mjeku i spitalit ku ka qëndruar për rreth 4 orë nuk ka mundur të gjejë shkakun e një bire të ngushtë, por të thellë në shpatullën e djathtë, ngjitur me shtyllën kurrizore . dhe ka dhënë përgjigjen, si duket për të mbuluar paaftësinë e tij. – “ Ushtari juaj ka shpuar veten me bajonetë për t’iu shmangur shërbimit “ – i kish thënë oficerëve shoqërues dhe këta të fundit i vunë nofkën “mashtrues”. – “Nuk e dija se çfarë më shpoi. Fillimisht nuk e ndjeva, por më vonë më dhimbte shumë. Kur më tha dhe doktori bashkë me komandantin se jam mashtrues, e ndjeva veten keq “ – ka pohuar Iliaz Dashi. Plaga u mbyll, por dhimbja jo. Herë e kapte më shumë dhe herë më lehtë. Kështu dhe u martua me Nafijen me të cilën lindi dy fëmijë. Nuk kishte fuqi të punonte në arë. – “ Në kooperativë më kishin ngjitur nofkën tjetër si “dembel” i brigadës “ – shton Iliazi. Vuante për vete, vuante për familjen, por vuante edhe nga opinioni si djalë që nuk donte të punonte në ara. Para katër vjetësh u shtrua sërish në spitalin e Librazhdit. Askush nga mjekët nuk ia gjeti shkakun e dhimbjes në shpatull . Në spital do të mbërrinte me temperaturë të lartë, djersë të ftohta dhe dhimbje në tërë pjesën e kurrizit. Mjekët do ta kuronin sërish me penicilina dhe analginë ampulë për t’i ulur temperaturën. Ishte paraqitur dhe herë të tjera për vizitë, por asnjë mjek nuk i jepte “dum” sëmundjes së tij. I mbetur pa shpresa për shërim, përpiqej të punonte dhe të rriste fëmijët bashkë me dhimbjen që nuk i ndahej në asnjë orë të ditës dhe natës. E vërteta do dilte vetëm para katër ditësh po në spitalin e Prrenjasit. Një mjek radiolog do të gjente më në fund shkakun e vetëm të sëmundjes 23 vjeçare të Iliaz Dashit …

                              Konstatimi

Mjeku i fshatit, Reshit Hana, do ta dërgonte vetë në spitalin e Prrenjasit “pacientin” 43 vjeçar. I ka kërkuar mjekut radiolog, Petrit Dashi , t’i bënte një radiografi të zakonshme për t’iu afruar “pistës së hetimeve" mbi sëmundjen e 43 vjeçarit . Kish qenë fare e thjeshtë . Atë që nuk e kishin bërë mjekët e tjerë për 23 vjet me radhë , e konstatoi radiologu Dashi po në spitalin e qytetit të Prrejasit . – “ Nuk bëra ndonjë magji për të përcaktuar shkakun e vuajtjes 23 vjeçare të Iliazit “ – ka pohuar mjeku radiolog Petrit Dashi . – Pas një radiografie të zakonshme konstatova se atij i kish mbetur në shpatullën e djathtë, ngjitur me shtyllën kurrizore, pikërisht në vërtebrën e katërt, një plumb”- ka pohuar sërish mjeku . Plumbi kish mbetur në trupin e djaloshit që nga koha kur kryente shërbimin ushtarak në vitin 1983. – “ Nuk e kuptova – ka sqaruar Iliazi- se atëherë,  ajo që më thumboi, paskish qenë plumb. Sipas mjekëve dhe ekzaminimit radiologjik duhet të ketë qenë një plumb qorr, nga ata që stërviteshin për qitje  në atë kohë, ai që kish shpuar trupin e Iliazit ushtar dhe kish mbetur në trup nga një rikoshetë e tij . Kaq ka mjaftuar që radiologu i Prrenjasit t’i jepte  pak ditë më parë  rakomandimin për operacion në spitalin ushtarak të Tiranës.

                                                       Operacioni

 Të enjten, Iliaz Dashi nga Rrajca e Librazhdit ka udhëtuar për në kryeqytet. Për pak orë ai ka përjetuar dhimbjen 23 vjeçare, gjersa ka hyrë të operohet. Gjithçka ka nisur dhe përfunduar në paraditen e të premtes. Sipas mjekut rekomandues të Rrajcës, operacioni është zhvilluar me sukses. – “ Ka zgjatur rreth tre orë operacioni për nxjerrjen e plumbit “veteran” në shpatullën e këtij  pacienti “ – ka pohuar dje mjeku rekomandues, Reshit Hana . – Unë po e ndjek edhe tani për mjekim dhe me sa shoh, ai është në gjendje mjaft të mirë shëndetësore dhe rikthimi i tij në jetën normale mbetet çështje ditësh “ – ka shtuar mjeku Hana . Tashmë është  mbyllur përfundimisht odiseja 23 vjeçare e këtij njeriu që ka bashkëjetuar për afro një çerek shekulli me një plumb në trupin e tij .

Dt. 1 Maj

Nje Maji-jo thjesht nje dite pushimi

Ja dhe 1 maji, një ditë pushimi që është një pjesë e tillë e kulturës perëndimore sa rrallë ndalojmë një çast për të menduar për kuptimin e vërtetë të saj. Sot 1 Maji është një ditë që të kujton më shumë një ditë çlodhjeje, siç janë ditët e shumta të pushimeve zyrtare që bëjnë shqiptarët dhe që ne perëndimin anglosakson kalon me panaire, festivale apo fundjava në periferi-dhe harrohet kuptimi i vërtetë i tij, një celebracion për punëtoret dhe familjet e tyre. Kjo nuk është mirë, përkundrazi, por nuk të habit. Në një farë mënyre, kjo ditë pushimi është bërë viktimë e vetë sukseseve të lëvizjes punëtore në perëndim për të përmirësuar jetën e punëtorëve; ndërsa në Shqipëri ajo është viktimë e shijes së keqe të paradave e festimeve pompoze dhe sipërfaqsore të periudhës totalitare.

Sot, në perëndim, punëtorët kanë arritur të kenë pushime të paguara, vende pune të sigurta, kujdes mjekësor, asistence sociale, orë pune jashtë orarit të paguara dhe një “weekend” të garantuar. Por sa prej këtyre përparimeve do të kishin ndodhur po të mos ishin herojtë e harruar tashmë të cilët luftuan kaq shumë që ta bënin  ditën e punës një realitet.

Natyrisht, dita e punës në Shqiperi nuk ka shumë për të na thënë per realitetin, veçse të na kujtojë numrin e te papunëve, apo të atyre të punësuarve që nuk e kanë asnjëherë të sigurtë punën e tyre sepse nuk e kane te kontraktuar, apo sepse marrin një ndihme sociale shumë minimale. Por, ne që kemi mundesine të merremi me fjalë dhe kemi luksin të paguhemi për të folur e shkruar mund të bëjmë të paktën një gjë: të kujtojmë ata të shumtët që kërkojnë pune dhe nuk mund ta gjejne, të kujtojmë femijet 10 vjeçare që lypin apo që bëjnë punë të rënda dhe pa asnjë orar, apo ata që nuk kanë asnjë mundësi të lexojnë gazetat  dhe të kujtohen se ka edhe një ditë të punëtorëve